Lleida
4/10° C (boira)
97% 26 km/h

1 desembre 2020

Eleccions 2021



Eth relòtge a començat a mercar era ora. Eth pròplèu 14 de hereuèr de 2021 se celebraran (se era pandemia mos dèishe) es eleccions ath Parlament de Catalonha. Eth conflicte polític Catalonha-Espanha tornarà a èster present ena agenda des partis polítics “processistes” tamb proclames eròiques e impossibles. Mès, coma jogaran tamb es emocions des persones, malerosament, eth resultat les afavorirà (JxCat, ERC e CUP).  Alavetz se mos presentarà era mès grana des contradiccions, auram escuelhut en foncion deth còr e mos queisharam en foncion deth cap. Mos queisharam que Catalonha va entà darrèr, qu’ei mens competitiva que hè detz ans, que i a fòrça empreses qu’an de barrar es pòrtes pera paralisi ara que mos sotmeten, qu’es minjadors sociaus son plei, qu’er ensenhador de caumatge va creishent e qu’es oportunitats les perdem a cada lauada. Mos queisharam deth centralisme deth govèrn que jògue en contra des interèssi deth Pirinèu. Mos queisharam, des d’Aran, que non mos arriben sòs entà ua melhor sanitat. Se votam en foncion deth còr (era emocion) tornaram a patir tres ans mès, eth cap mos demanarà era quèisha diària justa e reau (dera racionalitat), deth pragmatisme. A arribat eth moment qu’abantes que jòguen tamb tu, tu jògues tamb eri en benefici tòn e des tòns. Trinquem eth bucle!



SOBRE L´AUTOR

comentaris

0 Comentaris

    No comments

Aporta el teu comentari

Add comment - required field

Amb el suport de: