Lleida
1/11° C (sol)
97% 26 km/h

24 gener 2020

detall opinio


Era COP25 ei dera ciéncia!



En un mon en qu’eth postureg ei era nòrma fonamentau deth messatge, era COP25, eth Sumiu Mondiau deth Clima, non n’ei ua excepcion. Associar era imatge ara marca ei er objectiu. En aguesta linha trapam evidéncies d’actors públics e privats, toti dus barant en postureg. Anoncis e proclames que se gratam un shinhau sò que vedem s’aluenhe dera exemplaritat. Mentrestant, en un aute mon viuen ena discrecion multitud, o melhor dit milers, de persones que trebalhen e luiten cada dia entà hèr possible un planeta abitable e d’oportunitats.  Professionaus dera ciéncia que sentissen eth desafiament coma pròpi, que se hèn sòn eth rèpte qu’ei de toti e totes, qu’assumissen era responsabilitat dera efectivitat e que segurament fòrça viatges ac hènt en situacions economiques e contractuaus peth dejós d’aquerò qu’en didem “de justícia”. Se assomim eth canvi climàtic coma un Estat d’Emergéncia e de responsabilitat compartida (públics e privats; directius e tècnics; subergessents e discrets; governants e governats) paradoxaument vedem ua fotografia fòrça semblanta ad aquera que mos ilustre es efectes deth canvi climàtic; era contradiccion d’uns que luiten entà sobrevíuer ena dificultat, en contrast tamb d’auti que jòguen a plaer frut dera “riquesa” a on les tòque víuer. Era ciéncia e ans que mos avisaue e nosati non le hègem cas. A arribat eth postureg, mès jo voi pertànher ad aqueth aute mon. E tu?



SOBRE L´AUTOR

comentaris

0 Comentaris

    No comments

Aporta el teu comentari

Add comment - required field

Amb el suport de: