Lleida
9/19° C (pluja)
97% 26 km/h

2 octubre 2020

Era propietat privada ei sagrada



Eth Parlament de Catalonha ei en tren dera aprovacion dera regulacion des prètzi deth loguèr, un error inmens se er objectiu ei hèr politiques justes d’accès ara viuenda. Hèr ua regulacion non artenherà, en cap cas, qu’es persones mès vulnerables poguen auer un loguèr just, non artenherà esvitar era especulacion des hons de gran capital e tampòc artenherà ajudar ara joenessa a emancipar-se mès lèu. En diuèrsi escrits, estudis e practiques que podem liéger dejà s’a demostrat qu’era politica de viuenda non s’artenh regulant-ne eth prètz. Eth mercat dera viuenda (de crompra o loguèr) se botje ena prumèra Lei dera economia moderna, era aufèrta e era demana. Se i a mès demana qu’aufèrta es prètzi pujen, se era aufèrta ei superior ara demana es prètzi baishen. Tan òbvi coma cert. Perquè se vò, donques, regular eth prètz? Pera incapacitat des govèrns actuaus de méter mès viuendes en mercat, e perquè eth relat des esquèrres, guanhador enes darrèrs ans en Catalonha a acomplexat ara racionalitat politica e as moviments liberaus e europeistes. Catalonha cada viatge ei mès irrespirable, mès insegura, mens sociau e es sòns líders cada viatge mès personalistes e intervencionistes. O desvelham o perdem, aguest viatge tanben era nòsta vielhesa.



SOBRE L´AUTOR

comentaris

0 Comentaris

    No comments

Aporta el teu comentari

Add comment - required field

Amb el suport de: