Lleida
6/15° C (sol)
97% 26 km/h

26 febrer 2020

Joker, Greta e Bansky



Un des grani personatges de 2019 aurà estat Joker, eth papèr que Joaquin Phoenix interprète cinematograficament tamb exceléncia. Mès, ath delà d’aguesta obvietat s’amague ua personalitat construïda frut d’un sistèma que liquide era escala de valors dera persona. Es diners son eth veïcul d’acceptacion e integracion sociau. Banksy, creador artístic militant der Street Art, mos a deishat entad aguesti nadaus ua naua òbra, en Birmingham. Era volentat de Banksy ei ennautir ara persona. Greta Thunberg a estat escuelhuda persona der an pera revista Time. Tamb sonque setze ans s’a convertit en ua icona mondiau, portantvèu ena protesta ara grèu crisi climatica qu’estam provocant en planeta. Toti eri (Joker, Greta e Banksy) son productes d’un mon en qu’er uman s’a descuedat de eth madeish. Se mos viram, tanben e ath viatje, podem vèir e tastar diariament era quatau revolocion industriau, ena quau era transformacion Digitau (industria 4.0, blockchain, Inteligéncia artificiau, cloud, ciberseguretat, innovacion, cultural awareness, Forbes, filantropia, eca) n’ei era protagonista. Ua revolocion que non guarde entà darrèr. Revolocion, persones, emergéncia climatica, blockchain, inteligéncia artificiau… paraules deth 2019. Eth nadau mos transpòrte a un imaginari màgic, serie de justícia non deishar ad arrés en viatje.



SOBRE L´AUTOR

comentaris

0 Comentaris

    No comments

Aporta el teu comentari

Add comment - required field

Amb el suport de: