Lleida
14/29° C (sol i núvols)
97% 26 km/h

23 setembre 2020

‘Mojitos’ e ‘piña colada’



Era hujuda deth Rei emèrit Joan Carles I constate qu’era transicion sonque siguec beneïda per un staff franquista que d’un dia a un aute entronèc eth drapèu dera democràcia a canvi d’un progrès personau e familiar. Era hujuda de Joan Carles I constate qu’era justícia non ei igual entà toti. Guardetz ben sò qu’à passat, er Estat à ajudat a un corrupte a gésser d’Espanha e aluenhar-se dera justicia e des esturments democràtics de contròtle. Era hujuda deth Rei Joan Carles I sentencie era Casa Reiau e ath Rei Felip VI. Era ajuda qu’era Casa Reiau a dispensat a Joan Carles I entà marchar a segelhat era sua abolicion. Era hujuda de Joan Carles I constate qu’era democràcia en Espanha non ei ua democràcia plena (sonque mos dèishen votar). Era autoproteccion qu’es èlits se brinden en tot utilitzar es esturments der Estat de Dret en benefici pròpi, ditz fòrça dera cultura democratica que i à en Estat Espanhòu. Sò preocupant non ei qu’age marchat, sò preocupant ei que l’auem deishat marchar e era monarquia contunhe coma se non anèsse tamb era. Sonque demore ua pregunte entà respóner: qu’acabarà abantes era democràcia o era monarquia acompanhada des èlits que s’enriquissen en nòm dera democràcia? Non ac è clar!



SOBRE L´AUTOR

comentaris

0 Comentaris

    No comments

Aporta el teu comentari

Add comment - required field

Amb el suport de: